INSECURITY IN WARRI AND UGHELLI ENVIRONS
PLEASE TAKE CAUTION
Barr. Akpor Mudiaga Odje kidnapped in Warri. Two Catholic Priests kidnapped in front of Michael and Cecilia Ibru University, Agbarha-Otor, Rev. Fr. Raphael Ogigbah, the Parish priest of St. Francis Catholic Parish Agbarha-Otor, Catholic Diocese of Warri, and Rev. Fr. Kunav Chochos, a Missionary Priest of the Schoenstartt Fathers. Mrs Gladys Harrison, a provision shop owner at Otovwodo by PH Park was kidnapped for a week n later released after ransom of over #7m that was required to be converted to dollars. In d last 2 weeks,no less than 24 persons have bn kidnapped in Ughelli n Warri environs. Kidnapping for ritual purposes n that of ransom have bn on a steady rise.
The level of insecurity for this town don dey high reach RoofTop level but everybody just dey look am trowey face and behave like say the thing no concern them until e happen to you or someone close to you.
This same warri wey we dey waka everywhere till daybreak before Naim we no dey fit Waka for some areas even as early as 8pm again for fear of either being robbed, K!dn@pp3d or kpuffed.
Person not fit drive slowly or even stop to toast babe or buy something once day don dark for along the whole of airport road from angle park down to Our ladies except you want make them either K!dn@p you for ransom/rituals or you want make them kpuff you.
The newest trend now na the omila go use their Keke jam your motor from back and if you mistakenly stop, them don kidnap you be that abs na for Refinery road that one dey happen steadily.
Jusy last week here Naim one young lady escape de@th after the rider of the Keke wey she enter and another person wey pretend as passenger suddenly stop after immigration Baracks along Airport Road begin butcher her, na her shout attract the attention of those Aboki wey dey do suya for front of the immigration Baracks wey come rescue her and according to her, she say those Aboki confirm say that thing dey happen for that place steadily.
Jakpa road na normal casted area as na everyday omila dey use Keke obtain passengers and push them down from moving Keke.
The whole of Udu don turn Afghanistan normally.
Effurun Sapele Road, Ekpan Link Road and even Sokoh Estate road no safe to pass again for even day not to talk of when day don dark
Benin-Warri Road, Warri-Agbor-Asaba Road don turn K!dnappers Republic normally.
Even for krokro afternoon you fit park your car for near Tivo or that Redeem church (champions Cathedral) and by the time you go return, you no go see your car battery again.
Na steadily we dey receive reports of people wey enter keke as passengers from effurun roundabout to Adeje but them end of for K!dn@ppers den as the keke wey them enter na K!dn@ppers wey dey pretend as Keke riders wey dey hustle passengers. In most cases, the k!dn@ppers go end up r@ping their female victims, use POS withdraw all the money wey dey their account and even use their account borrow money from loan apps join after them don call the victims family to send money.
Entering Keke from roundabout to okuokoko and Agbarho for night now na big risk as many of the keke guys na omila wey dey use Keke operate and na many of the so-called yahooboys wey dey pop champagnes and spray money for clubs be the omila wey dey terrorize the town so.
Please let’s be at alert and security Conscious .
The Times are Evil…
God will Protect Us All.
